உலகின் மிகவும் பிரபலமான அன்னாசி வகையை இலங்கையில் பயிரிடுவதற்கு தயாராகும் விவசாயத் திணைக்களம்

உலகில் மிகவும் சுவையான அன்னாசிப்பழ உற்பத்தி     இலங்கையில் இருந்து பதிவாகியுள்ளதாக விவசாய மற்றும் பெருந்தோட்ட கைத்தொழில் அமைச்சர் மஹிந்த அமரவீர தெரிவித்துள்ளார். எனவே, இலங்கையில் பயிரிடப்படும் அன்னாசிப்பழங்களுக்கு உலக சந்தையில் அதிக தேவை உள்ளது.

MD 2 அன்னாசி வகைக்கு உலக சந்தையில் அதிக கிராக்கி நிலவுகின்ற போதிலும், இந்த அன்னாசி வகையை இந்த நாட்டில் பயிரிடுவதற்கு நடவடிக்கை எடுக்கப்படவில்லை. இனிப்புச் சுவை மற்றும் குறைந்த அமிலத்தன்மை கொண்ட இந்த அன்னாசி வகையை இலங்கையில் பயிரிட நடத்தப்பட்ட ஆராய்ச்சியும் வெற்றி பெற்றுள்ளது.

விவசாயத் திணைக்கள பயிர் வெளியீட்டுக் குழுவின் பரிந்துரைகளின் கீழ், இலங்கையில் இந்த MD 2 அன்னாசி வகையை பரிந்துரைக்கும் செயல்முறையை விரைவுபடுத்துமாறு அமைச்சர் விவசாயத் திணைக்களத்திற்கு ஆலோசனை வழங்கினார்.

விவசாயத் துறை நவீனமயமாக்கல் வேலைத்திட்டத்தின் கீழ், இலங்கையில் இந்த MD 2 அன்னாசிப்பழத்தின் பயிர்ச்செய்கைக்காக மேற்கொள்ளப்பட்ட ஆய்வுகள் வெற்றியடைந்துள்ளதுடன், விவசாயிகளும் இந்த அன்னாசி வகையை பயிரிட விருப்பம் தெரிவித்துள்ளதாக அமைச்சர் அமரவீர தெரிவித்தார். 

இலங்கையின் வடக்கு கிழக்கில் அன்னாசி செய்கை பெரிதும் பிரபல்மாக செய்யப்படவில்லை. விவசாயத் துறை நவீனமயமாக்கல் வேலைத்திட்டத்தின் கீழ் சில திட்டங்கள் ஒதுக்கப்பட்டுள்ளதால் எதிர்காலத்தில் தமிழர் பகுதிகளிலும் இவை நடைமுறைப்படுத்தப்படலாம்.